Tanınmış futbolçu ilə bağlı qərar verildi

Tarix: 9 Iyul 2025 13:40

Amsterdam Apellyasiya Məhkəməsi Rusiyanın "Spartak Moskva" klubunun sabiq futbolçusu, niderlandlı Kvinsi Promes barəsində seçilmiş həbs-qətimkan tədbirinin müddətini uzadıb.

Sonxeber.net xəbər verir ki, bu barədə "De Telegraaf" nəşri məlumat yayıb.

Xatırladaq ki, Promes iyunun 20-də Birləşmiş Ərəb Əmirliklərindən ekstradisiya olunaraq Niderlanda gətirilib və dərhal həbs edilib.

Daha əvvəl Amsterdam məhkəməsi onu iki cinayət işi üzrə təqsirli bilmişdi: qohumuna bıçaqla hücum etdiyi üçün 1,5 il, narkotik qaçaqmalçılığında iştirakına görə isə 6 il müddətinə azadlıqdan məhrumetmə cəzası verilib.

Promesin vəkilləri qərardan apellyasiya şikayəti veriblər. Şikayət üzrə məhkəmə prosesinin 2026-cı ildə keçirilməsi planlaşdırılır, lakin dəqiq tarix hələ açıqlanmayıb.